بسم الله الرحمن الرحيم
السلام عليكم و رحمة الله و بركاته
إخواني و أخواتي الكرام
تعالوا
نعرف قصة شباب كتير رجعوا لربنا .. و سابوا الطريق تاني بعد ما عرفوه .. و
عاوزين يرجعوا تاني .. عاوزين أوي أوي يرجعوا لربهم تاني و يبكوا بين
إيديه و يقولوا يااااااااا رب " ردنا ليك تاني يا رب .. ما تسيبناش لنفسنا
يا رب .. إحنا من غير حفظك لينا و توفيقك لينا هنضيع يا رب "
تعالوا سوا نشوف إحساسك إيه قبل ما تعرف طريق ربنا .. و إحكيلنا قلبك أخباره إيه بعد ما عرفت الطريق
حاسس بإيه بعد ما رجعت تاني لربك .. حبيته أكثر .. مرتاح .. لسة نفسك معاندة معاك شوية
تعالى إيدك في إيدنا نقنعها و نساعد بعض و نروحله سوا
بس الأول تعالوا نعرف إحنا ليه بعدنا عن ربنا بعد ما قربنا منه و عشنا في ظل طاعته كتير
إيه اللي رجعنا لورا تاني .. هنسيب الأسباب تتحكم فينا ؟؟
سامعكم بتقولوا لااااااااااااااااااااا كبيرة أوي .. هنقاوم الأسباب دي و نكشفها و نعالجها كمان
طبيعي كلنا نقع و نغلط .. بس مش طبيعي نفضل واقعين و غلطانين .. لازم بأة يا شباب نصحى من تاني و نصحي قلوبنا بطاعة حبيبنا .. الله
تعالى معانا بأة .. تعالى تاني و تالت و عااااااااااشر .. ما تملش من كتر الرجوع لله
تعالى
و هتلاقيه مستنيك .. حتى لو ما حستش إنه قبلك .. خبطله على الباب تاني و
تالت و عاااااااااااااشر و أوعى تمل فإن الله لا يمل حتى نمل !!
اعرف كويس أوي إنه سبحانه مستنيك و منتظرك بشوق ترجعله تاني
حبيبك مستنيك بشوووووووق .. هتروح ولا هتفضل واقف في مكانك ؟
تخيل
لو ربنا ما كانش بيقبلك غير مرة واحدة بس .. كنت هتعمل إيه دلوقتي يا
مسكين L .. دي كانت تبى كارثة .. لا لا خلاص متزعلش .. افرح و افرح أوي
كمان .. ده ربنا هو الله J فاتحلنا باب رحمته على آآآآآآآخره .. خبط إنت
بس .. إطلب الرحمة دي و خش يا سيدي في جمال طاعته و حبه ليك .. يلا بسرعة
بلاش تأخير
و تعالى بأة نشوف المقبولين و نهنيهم .. تعالى نشوف أد إيه هما فرحانين
أكيد طبعاً حقهم يفرحوا .. الله .. بأقولك الله .. قبلهم و فتحلهم باب رحمته
دول اتغيروا تماماااااااااً و بأوا حاجة تانية خااااااااااااالص
تعالوا إحكولنا تجاربكم و خبراتكم و احكولنا عن أصدقاء عاوزين نساعدهم و ناخد بإيدهم
تعالوا نعرف أحاسيس شباب لسة عاوز يروح لربنا بعد فراق طوييييييييييييل
خلوهم يحكولنا أشواقهم لربنا ..
خلوهم يحكولنا حاسين بإيه و هم في أول طريق ربنا و في أول عهد الطاعات و العبادات و حسن المعاملات
خلونا نفتح ليهم باب و طريق يدخلوا منه و ناخد بإيدهم و نشد عليها بقوة حبنا في الله
خلونا نشوف مقاعدنا في الجنة سوا .. خلونا نشوف فرحة نبينا بينا و إحنا أمة متماسكة
بنساعد بعض .. بنعين بعض .. بنساند بعض
كل ده .. إن شاء الله .. هنشوفه سوا و نتكلم فيه مع بعض بالتفصيل و إيدك في إيدنا نرجع تااااااااني للي خلقنا .. سبحانه و تعالى
و موعدنا كلنا سوا في الجنة إن شاء الله
موضوع: اعلان تعلن الخطوط الفردوسية عن بدء رحلة سفينة النجاة.. احجز قصرك بالفردوس الأعلى 
