SAMRITAAA بنوتة نشيطة
المساهمات : 240 نقاط تميز : 0 تاريخ التسجيل : 05/11/2008
| موضوع: مليش دعوة (قصه هتستفيدوا منها) الأحد 9 نوفمبر - 5:28 | |
| كلنا نعرف المثل اللي بيقول :
اللي ايده في الميه مش زي اللى ايده في النار ..
يعني بنسمع كتير كلمة وأنا مالي ..
خد عندك مثلاً .. بيحصل ساعات وتلاقي واحد يقولك تعرف فلان الفلاني تقوله آه يقولك مش خسر كل فلوسه يا عيني وفلس .. تقوم انت تقول .. لا حول ولا قوة الا بالله .. يقوم صاحبك يقولك : عايزين بقي نلم فلوس للراجل عشان يقوم على رجليه تاني .. تقوم انت بكل بساطة تقول : يا عم انا مالي .. اللى فيا مكفيني .. انا هشيل همي ولا هم غيري .. والغريب في الموضوع ان اللى بيتكلم معاك 99,9% هيقتنع بكلامك ويقولك : آه والله .. هو الواحد هيحل مشاكله ولا مشاكل غيره..
بعد المقدمة الطويله دي تعالوا نشوف القصة دي و نربطها بالكلام
في مزرعة بعيدة بعيدة .. كان فيه فار صغير واقف ورا شرخ صغير في الحيط وبيتفرج على الفلاح ومراته اللي كانوا جايبين لفة وفيها حاجه ..
وكان الفار بيمني نفسه انهم جايبين أكل .. لكن للأسف لما الفلاح فتح اللفة .. كان فيها مصيدة فيران ..الفار .. خاف جداً ومات من الرعب وجري على الحظيرة ..
وفضل يجري بين الحيوانات ويقول البيت فيه مصيدة فيران .. البيت فيه مصيدة فيران..
و راح نحيه الديك وقاله البيت فيه مصيدة فيران .. قاله الديك .. أنا عارف انها مصيبه بالنسبه لك يا فار .. لكن أظن ان الموضوع ما يخصنيش خالص...
جري الفار على الخروف وقاله : البيت فيه مصيدة فيران .. قاله الخروف .. انا بجد زعلان علشانك أوي يا فار .. لكن .. انا بعيد جداً عن موضوعك ..
جري الفار على البقرة .. وقالها .. البيت فيه مصيدة فيران .. قالتله : ربنا يصبرك يا فار .. حاول تاخد بالك وانا هادعيلك .. بس برضه اظن المصيدة مش مصيدة بقر .. عشان كده الموضوع ميخصنيش
وبليل في المزرعه .. الكل سمع صوت تكة المصيدة في قلب الليل ..
جريت الفلاحة على المصيدة علشان تشوف هي مسكت ايه .. لكن لما قربت فى الضلمه تشوف المصيدة .. طلعت المصيدة مسكت تعبان ..آه تعبان مش الفار .. وبسرعه التعبان قرص الفلاحة وغرس فيها سمه ..
وصرخت الفلاحة وجري الفلاح بيها على المستشفي لكن بعد ما رجعت من المستشفي .. كانت محمومة جداً وحرارتها مرتفعه .. قالها الفلاح انتي مش هتبقي كويسه الا لما تاكلي الديك .. وفعلاً دبح الديك وأكلته الفلاحة ..
لكنها فضلت تعبانه .. و أهلها وأهله كلهم زاروهم في المزرعة علشان يطمنوا علي الفلاحة وعلشان كده الفلاح دبح الخروف علشان كلهم ياكلوا ..
لكن تعب الفلاحة زاد .. وللأسف ماتت .. وكل البلد جت علشان تعزي في الفلاحة .. والفلاح دبح البقرة .. ووزع لحمتها رحمه على روح الفلاحة ..
كل ده والفار بيراقب من ورا الشرخ الصغير اللى في الحيط .. وكله أسف وحزن ..
النهاية
حد فهم ايه اللى مقصود ..
أوعي في يوم تقول ماليش دعوة .. أو وانا مالي ..
بالعكس أهتم جداً .. لأن الموضوع اللى ممكن تحس أنه بعيد كل البعد عنك ممكن يكون أقرب ليك أكتر مما تتصور | |
|
شوشو مشرفة الاناقة واكسسوارات المنزل
المساهمات : 2118 العمر : 35 اعلام الدول : مزاجى : المهنه : الهوايه : نقاط تميز : 1250 تاريخ التسجيل : 04/10/2008
| موضوع: رد: مليش دعوة (قصه هتستفيدوا منها) الأحد 9 نوفمبر - 20:44 | |
| | |
|
ضئ القمر Admin
المساهمات : 1531 اعلام الدول : مزاجى : المهنه : الهوايه : نقاط تميز : 444 تاريخ التسجيل : 17/09/2008
| موضوع: رد: مليش دعوة (قصه هتستفيدوا منها) الجمعة 14 نوفمبر - 1:46 | |
| سبحان الله
قصه رائعه
بارك الله فيكى | |
|
شمس مشرفة الاسلاميات
المساهمات : 2391 العمر : 37 اعلام الدول : مزاجى : المهنه : الهوايه : نقاط تميز : 1459 تاريخ التسجيل : 23/09/2008
| موضوع: رد: مليش دعوة (قصه هتستفيدوا منها) الجمعة 14 نوفمبر - 22:29 | |
| قصه جميله اوى وفيها رساله حلوه
تسلم الايادى
| |
|
SAMRITAAA بنوتة نشيطة
المساهمات : 240 نقاط تميز : 0 تاريخ التسجيل : 05/11/2008
| موضوع: رد: مليش دعوة (قصه هتستفيدوا منها) السبت 24 يناير - 4:20 | |
| - شوشو كتب:
الله يسلمك ياقمر
| |
|
SAMRITAAA بنوتة نشيطة
المساهمات : 240 نقاط تميز : 0 تاريخ التسجيل : 05/11/2008
| موضوع: رد: مليش دعوة (قصه هتستفيدوا منها) السبت 24 يناير - 4:21 | |
| - ضى القمر كتب:
سبحان الله
قصه رائعه
بارك الله فيكى تسلمي يا احلى مديرة
| |
|
SAMRITAAA بنوتة نشيطة
المساهمات : 240 نقاط تميز : 0 تاريخ التسجيل : 05/11/2008
| موضوع: رد: مليش دعوة (قصه هتستفيدوا منها) السبت 24 يناير - 4:21 | |
| - شمس كتب:
قصه جميله اوى وفيها رساله حلوه
تسلم الايادى
تسلمى ياشموسه
| |
|