دلعي نفسك في البيت

بتحتاري في اختيار ملابسك في البيت!!

نفسك تكوني شيك جوه البيت!!

زي ما أنت شيك بره البيت!!

يبقى خليكي معانا النهارده

علشان تعرفي

إزاي تدلعي نفسك في البيت؟!

القطن مريح جدا في البيت

هتلاقي دايما إن الملابس القطنية بكل أنواعها سواء "بيجامات أو ترنجات أو جلابيات" هي أنسب حاجة ممكن تلبسيها في البيت

خصوصا مع الحر اللي إحنا فيه ده...

وطبعا أنت مش محتاجة أقولك إنك لما تشتري الملابس القطنية دي تجيبيها واسعة شوية، علشان معظم الأقمشة القطنية لما بتتغسل

بتكش شوية، وكمان علشان هدوم البيت لما بتكون واسعة بتكون مريحة جدا...

ولو كنت عايزة تحافظي على ألوان ملابسك لأطول فترة ممكنة، يبقى ياريت قبل ما تغسليها أول مرة تنقعي كل قطعة لوحدها في

شوية ميه بادرة مضاف إليها فنجان خل علشان تحافظي على ألوانها زاهية لأطول فترة ممكنة، وياريت كمان تغسليها بميه باردة لأن

غسيل الهدوم القطن بميه ساخنة باستمرار ممكن يخلي لونها يتغير بسرعة ويبهت.

هدوم البيت لها تصميمات متعددة

اوعي تفكري إن الملابس القطنية محدودة في تصميماتها وأشكالها، لأن دلوقتي بقى فيه تصميمات وأشكال كتيرة جدا ممكن تلاقيها

مصنوعة من القطن زي مثلا...

البيجامات باختلاف أشكالها

هتلاقي بيجامات بأشكال مختلفة وألوان مختلفة زي مثلا...

بيجامة منقوشة بكم طويل وبنطلون طويل، بالإضافة إلى وجود مجموعة من الزراير الأمامية على جاكيت البيجامة.

بيجامة ببنطلون طويل واسع ومقلم بخطوط طولية، وجاكيت سادة مقفول من الأمام.

بيجامة 3/4 كم وبنطلون بانتكور، الشكل ده بيتميز بوجود خطوط بالعرض على البنطلون والجاكيت، علشان كده بنلاقي إن الشكل ده مناسب جدا للبنت الطويلة.

بيجامة منقوشة، بتتميز بوجود نقوش كثيرة على الجاكيت أكتر من البنطلون، بالإضافة إلى وجود مجموعة من الزراير الأمامية على الجاكيت.

بيجامة ببنطلون برمودا وجاكيت 1/2 كم، بالإضافة إلى وجود خطوط طولية على البنطلون والجاكيت، على فكرة الشكل ده مناسب للبنت القصيرة

بيجامة سادة 1/2 كم وبنطلون برمودا، الشكل ده بيتميز بإنه مقفول من الأمام.

بيجامة 1/2 كم منقوشة، ببنطلون برمواد ومجموعة من الزارير الأمامية على جاكيت البيجامة.

بيجامة 1/2 كم عبارة عن بنطلون برمودا مقلم بخطوط طولية، وتي شيرت سادة.

ولو عايزة تحسي بالأناقة وأنت قاعدة في البيت ممكن تختاري شكل زي ده.

ولو عايزة تحسي بالحيوية والانطلاق في البيت ممكن تختاري شكل زي ده.

ولو كنت عروسة جديدة، وعايزة تدلعي نفسك وأنت قاعدة في البيت، يبقي ممكن تختاري أي شكل من الأشكال دي...

الجلابية

على فكرة لبس البيت مش مقتصر على البيجامات فقط، ففيه جلابيات صيفي ممكن تلبسها في البيت وعلى فكرة الجلابيات الصيفي

لها تصميمات متعددة فهتلاقي....

الجلابية المنقوشة الطويلة اللي بـ 1/2 كم، بالإضافة إلى وجود ثلاثة زارير أمامية.

الجلابية المنقوشة القصيرة التي يصل طولها إلى منطقة الركبة، هتديكي إحساس بالحيوية وأنت قاعدة في البيت.

جلابية طويلة بدون أكمام، مناسبة لأيام الصيف شديدة الحرارة.

جلابية بـ 1/2 كم، وخطوط طويلة مناسبة للبنت القصيرة.

جلابية أخرى بـ1/2 كم وقصيرة، مع وجود خطوط بالعرض، الشكل ده مناسب للبنت الطويلة.

كمان الجلابية بشكلها التقليدي ممكن تلبسيها وأنت قاعدة في البيت.

وقبل ما أقول

سلام

بقول لك إنك لازم تغيري باستمرار من استايل لبسك

وأنت قاعدة في البيت علشان ماتشعريش بالملل، خاصة

لو كنتِ من النوع اللي بيقعد في البيت لوقت كبير...